Education

बनावट कागदपत्रांवर ‘शापूरजी’ने दिले कोट्यवधी रुपयांचे लोन 

1 Mins read

उन्मेष गुजराथी
स्प्राऊट्स Exclusive

बनावट कागदपत्रे बनवून व कलेक्टरची परवानगी न घेता मुंबईतील एका कथित व्यावसायिकाने तब्बल ५० कोटी रुपयांचे कर्ज घेतले आहे, अशी धक्कादायक माहिती ‘स्प्राऊट्स’ च्या स्पेशल इन्व्हेस्टीगेशन टीमला (एसआयटी) मिळालेली आहे.

महाबळेश्वर येथे निजामाचे वंशज नवाब मीर बरकत अल्लीखान बहादूर यांचा ‘वूडलॅण्ड’ नावाचा आलिशान बंगला आहे. हा बंगला कलेक्टर यांच्या जमिनीवर बांधलेला आहे. या बंगल्यावर दिलीप ठक्कर या कथित व्यावसायिकाने अनधिकृतपणे अतिक्रमण केले होते.

या बंगल्यावर कर्ज काढताना कलेक्टर किंवा तत्सम प्रशासनाची परवानगी घेणे, बंधनकारक आहे. मात्र ठक्कर यांनी बनावट कागदपत्रे बनवून शापूरजी पालनजी फायनान्स प्रायव्हेट लिमिटेड या कंपनीकडून चक्क ५० कोटी रुपयांचे कर्ज घेतले, अशी धक्कादायक माहिती ‘स्प्राऊट्स’च्या ‘एसआयटी’ला मिळालेली आहे.

सध्यस्थिती: काय आहे प्रकरण?
महाराष्ट्रातील महाबळेश्वर हे निसर्गरम्य ठिकाण. या भागात हैद्राबाद येथील नवाब यांना ब्रिटिशांनी ९९ वर्षांच्या लीजवर दिलेला बंगला आहे. आजमितीला या बंगल्याची किंमत ही २५० कोटी रुपयांहून अधिक आहे. या बंगल्याची मालकी निजामाचे वंशज नवाब मीर बरकत अल्लीखान बहादूर यांच्याकडे हवी होती. मात्र मुंबई येथील व्यावसायिक दिलीप ठक्कर यांनी खोटे कागदपत्रे बनवली व त्या जागेवर अतिक्रमण केले, असा आरोप त्यांच्या वंशजांनी केला आहे.

त्यानंतर कलेक्टर रुचेश जयवंशी यांनी पोलिसांच्या मदतीने धाडसी कारवाई केली व या बंगल्याला सील लावले होते. त्यानंतर हे प्रकरण मुंबई हायकोर्टात गेले व हा बंगला आणखी वादाच्या भोवऱ्यात सापडला आहे. सध्या हे प्रकरण सुप्रीम कोर्टात गेलेले आहे.


Related posts
Education

Bombay High Court Says no more Franchisees for FTV in Lucknow

1 Mins read
Unmesh GujarathiSprouts Exclusive The Bombay High Court recently restrained FTV India from opening spa/salon franchises in violation of agreements entered with Lucknow-based…
Education

व्हिसा सबमिशनमध्ये त्रुटी ठेवून टुरिस्ट कंपन्यांचा ग्राहकांना गंडा

1 Mins read
उन्मेष गुजराथीस्प्राऊट्स Exclusive परदेशी टूरवर जाताना व्हिसा असणे बंधनकारक असते. हा व्हिसा काढताना सर्वप्रथम सबमिशन करावे लागते. हे सबमिशन करताना काही ट्रॅव्हल्स…
Education

Tourist companies cheat customers by making mistakes in visa submissions.

3 Mins read
Unmesh GujarathiSprouts Exclusive Having a visa is mandatory while going on a foreign tour. The first thing to do when getting this…